Рашэньне было прынятае ў ноч на пятніцу на саміце ў Брусэлі. Дэталі праекта плянуецца ўзгадніць да сярэдзіны наступнага года.
На сустрэчы гаварылася аб неабходнасьці выкананьня ўзгодненых раней у гэтым годзе крокаў па стрымліваньні патоку мігрантаў з дзяржаў Блізкага Ўсходу і Афрыкі.
Некаторыя эўрапейскія лідэры, уключаючы грэцкага прэм’ер-міністра Алексіса Цыпраса, далі ясна зразумець, што не жадаюць захаваньня ў пагадненьні па памежных сілах пункта, які прадугледжвае адпраўку падразьдзяленьняў у тую ці іншую краіну без згоды мясцовых уладаў.
Грэцыя нароўні з Італіяй адчуваюць найбольшую з усіх краінаў Эўразьвязу ціск у пытаньнях, зьвязаных з прыбыцьцём і праверкай мігрантаў. Толькі з пачатку гэтага года ў Эўропу прыбыло больш за мільён уцекачоў.
