«Мы бачым свой дваццаціпяцігадовы шлях, калі нас шантажавалі самымі высокімі коштамі на электраэнэргію, газ. І таму мы змаглі і самі, разам са сваімі суседзямі і Эўразьвязам вырашыць, што энэргетычныя выспы ўсіх Прыбалтыйскіх краін — гэта вельмі дрэнна, паколькі гэта ня толькі не умацоўвае, а наадварот, падрывае палітычную і эканамічную бясьпеку, незалежнасьць. І тое, што праз год пасьля адкрыцьця тэрмінала звадкаванага прыроднага газу ў сьнежні летась мы адкрываем змычкі ЛЭП са Швэцыяй і Польшчай, без сумневу зьяўляецца ня толькі нашым дасягненьнем, але і стратэгічным дасягненьнем ЭЗ», — падкрэсьліла кіраўнік Літвы ў эфіры радыёканала LRT.
Паводле Грыбаўскайце, канчатковае падключэньне да эўрапейскай энэргасыстэмы паклала канец залежнасьці «ад аднаго пастаўшчыка». Рэалізацыя праекту электразлучэньняў LitPol Link і NordBalt з Польшчай і Швэцыяй азначае, што «ня толькі газавы рычаг, але і электрычны рычаг ўжо ня будуць выкарыстоўвацца для ўплыву на разьвіцьцё нашай дзяржавы, подкупу нашых палітыкаў і грамадзкасьці», — зазначыла Грыбаўскайце.
У панядзелак адбыўся афіцыйны сымбалічны запуск працы электразлучэньняў NordBalt.
Літва здабыла энэргетычную незалежнасьць ад Расеі, заявіла прэзыдэнт рэспублікі Даля Грыбаўскайце.
Самае папулярнае
1