Лінкі ўнівэрсальнага доступу

Лыжачка Францішка Багушэвіча


Валянцін Варанішча, «Францішак Багушэвіч»

Валянцін Варанішча, «Францішак Багушэвіч»

Пасябравала з новай добразычлівай прадавачкай нашага прадуктовага.

— А я раней ў Кушлянах жыла. Пры музэі Багушэвіча арэндавала пасеку, — расказала яна днямі.

— Я ў музэі была, падзівілася на вульлі.

— Скажу больш. Я радня Багушэвіча. Мама ў хаце жыла, калісьці паэтавай. Як надумалі музэй рабіць, іхную сям’ю выселілі. Але ўсё роўна, калі адчыніўся музэй, мама пабегла і лыжачку сярэбраную, якой карыстаўся Багушэвіч, падарыла ў экспазыцыю. Я добра памятаю лыжачку. Ад часу яна вытанчылася...

І прадавачка намалявала на прылаўку старую пачарнелую лыжачку для гарбаты. Я, натуральна, убачыла яе, а прадавачка задаволена заўсьміхалася, што вырабіла эфэкт.

Таня Скарынкіна

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Паказаць камэнтары

XS
SM
MD
LG