Лінкі ўнівэрсальнага доступу

У Віцебску распаўсюдніка незалежных СМІ Барыса Хамайду прагналі з «працоўнага месца»


Вымушаны пераезд

Вымушаны пераезд

Днямі каля ўваходу ў віцебскую краму, дзе распаўсюднік незалежнай прэсы ставіць свой бел-чырвона-белы парасон, зрабілі пандус. Скарыстацца ім немагчыма, аднак і месца для спадара Хамайды цяпер няма.

Барыс Хамайда выходзіў на гэтае месца каля так званага «сіняга дому» з канца 1990-х — раней зь плякатамі, ладзячы пікеты, а апошнія гады — з раскладным столікам для газэт і часопісаў. За гэтыя дзесяцігодзьдзі ён стаў для віцяблянаў такім жа сымбалем гораду, як той самы «сіні дом» — шматпавярховік, пафарбаваны ў сіні колер. Колер сьцен мяняўся ад часу, а Барыс Хамайда нязьменна выходзіў на сваё «працоўнае месца».

Днямі збоку ад ганку крамы зрабілі пандус, а таксама паставілі новыя парэнчы. Тут, у куце паміж парэнчамі, і ўладкаваўся распаўсюднік. Пакуль прэтэнзій ад адміністрацыі крамы не чуваць, кажа спадар Хамайда:

Ніводзін інвалідны вазок тут не праедзе

Ніводзін інвалідны вазок тут не праедзе

«Стаю цяпер побач. Але відавочна, што пандус зроблены для адчэпкі: ніводзін інвалід-вазочнік ім не скарыстаецца, бо праезд да дзьвярэй загароджаны апорай ліхтара перад уваходам. Змарнаваныя сродкі, праігнараваны чалавечыя патрэбы. Не выключаю, што і сам пандус зьявіўся ў гэтым месцы нездарма: час ад часу адміністрацыя крамы выказвала незадавальненьне маёй прысутнасьцю».

Раней было больш утульна (архіўнае фота)

Раней было больш утульна (архіўнае фота)

Барыс Хамайда згадвае ранейшыя спробы «высяленьня». На «ягоным» месцы спрабавалі ставіць столік з лаўкай, дзе тут жа зьбіраліся мясцовыя выпівохі, і кіраўніцтва крамы было незадаволена яшчэ болей. Спрабавалі ставіць толькі лаўку, ужо бяз століка, аднак вынік быў той самы. Зь нядаўняга часу папулярнае ў горадзе месца пачалі займаць дылеры МТС — дзяўчаты і хлопцы са сваім пераносным рыштункам. Аднак яны ветліва вызвалялі тэрыторыю, як толькі зьяўляўся спадар Хамайда.

Сёньня другі дзень, як распаўсюднік «пераехаў». Нязручнасьць новага становішча ў тым, што раней ад вулічнага ветру хавала сьцяна, а цяпер стаяць даводзіцца на скразьняку. І невядома, як да «перадысьлякацыі» паставіцца міліцыя: ці ня будзе прэтэнзій, што Барыс Хамайда замінае праходу мінакоў.

Паказаць камэнтары

XS
SM
MD
LG