«13 сьнежня аташэ па пытаньнях абароны, вайскова-марскі аташэ пры пасольстве Турцыі ў Маскве контр-адмірал Ахмэт Гюнэш быў тэрмінова выкліканы ў Міністэрства абароны Расейскай Фэдэрацыі для гутаркі з намесьнікам міністра абароны Расеі Анатолем Антонавым», — гаворыцца ў паведамленьні.
Як заявілі ў Мінабароны, «турэцкаму вайсковаму дыплямату зроблена жорсткая заява аб магчымых згубных наступствах безразважных дзеяньняў афіцыйнай Анкары ў даччыненьні да расейскага вайсковага кантынгенту, які выконвае задачы па барацьбе зь міжнародным тэрарызмам у Сырыі».
«У прыватнасьці, была даведзена глыбокая заклапочанасьць чарговымі правакацыйнымі дзеяньнямі турэцкага боку ў дачыненьні да расейскага вартавога карабля „Сметливый“ у Эгейскім моры, які дзеля папярэджаньня сутыкненьня з турэцкім суднам „Гезіджылер Балык Чэлік“ быў вымушаны адкрыць папераджальную стральбу з стралковай зброі на адлегласьці, якая гарантуе непаражэньне турэцкага карабля», — сказалі ў ведамстве.
У Мінабароны адзначаюць, што «толькі па шчасьлівай выпадковасьці ўдалося пазьбегнуць трагедыі». Паводле яго дадзеных, контр-адмірал Ахмэт Гюнэш абяцаў неадкладна давесьці да Анкары зьмест расейскай заявы.
Інцыдэнт адбыўся ў нядзелю раніцай за 22 кілямэтры ад грэцкай выспы Лемнас у паўночнай частцы Эгейскага мора.
