Прынамсі на двух пунктах пропуску — «Весялоўка» і «Новая Гута» — цяжкасьці зь перасячэньнем мяжы.
Пра гэта перадае БЕЛТА са спасылкай на Аляксандра Цішчанку, прэс-сакратара Дзяржаўнага памежнага камітэта Беларусі. На дадзены момант цяжкасьці для руху транспарту празь мяжу зь Беларусьсю назіраюцца ў пунктах пропуску «Сянькоўка» (зь беларускага боку — «Весялоўка») і «Новыя Ярылавічы» («Новая Гута»).
«Паводле апошніх дадзеных, пачалі пропуск легкавых аўтамабіляў праз „Новыя Ярылавічы“, — сказаў Цішчанка. — Калі стане магчыма прапускаць грузавы транспарт, пакуль невядома. Мы рэкамэндуем аб’яжджаць гэтыя пункты пропуску і пакуль што карыстацца іншымі».
