Лінкі ўнівэрсальнага доступу

Беларусы просяць паказаць уручэньне Нобэля Алексіевіч па дзяржаўным тэлебачаньні


Сьвятлана Алексіевіч

Сьвятлана Алексіевіч

Пэтыцыя на Change.org сабрала тысячы подпісаў.

Дзяржаўная беларуская прэса ігнаруе Алексіевіч. Пра ўручэньне ёй Нобэлеўскай прэміі дзяржаўныя СМІ распавядалі сьцісла і ня першымі навінамі, яе лекцыю не паказвалі і практычна ня згадвалі. Не зьбіраюцца і трансьляваць цырымонію ўручэньня прэміі: у праграме «Беларусь-1» на 10 сьнежня — «Зона ікс» альбо «Чакай мяне». Толькі тэлеканал «Белсат», які вяшчае па-беларуску з Польшчы, зьбіраецца перадаваць трансьляцыю цырымоніі ўручэньня прэміі ў межах «Нобэлеўскага тыдня са Сьвятланай Алексіевіч».

Беларусы зьвяртаюцца да кіраўніцтва БТ і АНТ у пэтыцыі на Change.org і просяць паказаць зладзіць трансьляцыю ўручэньня прэміі:

«Нобэлеўская прэмія Алексіевіч — гэта сапраўднае сьвята ня толькі для жыхароў Беларусі, але і для ўсіх расейскамоўных людзей. Ці ня гэта ёсьць праяваю патрыятызму ў яго найвышэйшай ступені? Для Беларусі, мабыць, не. Колькі часу тэлеэфіру было прысьвечана гэтай падзеі па ўсім сьвеце! Якая колькасьць цёплых словаў была падораная Сьвятлане людзьмі з розных краінаў! Але няўжо Сьвятлане няма месца ў беларускай культуры? Мы ўпэўненыя, што ёсьць!»

Пэтыцыя накіраваная міністру культуры Барысу Сьвятлову, старшыні «Белтэлерадыёкампаніі» Генадзю Давыдзьку і старшыні праўленьня «Другога нацыянальнага тэлеканалу» (АНТ) Рыгору Кісялю. На момант публікацыі пад пэтыцыяй сабралася больш за 6 тысяч подпісаў.

Паказаць камэнтары

XS
SM
MD
LG