Афіша
Менск, пасяджэньне трохбаковай Кантактнай групы АБСЭ па крызісе на ўсходзе Ўкраіны.
Менск, у канфэрэнц-залі Queen гатэлю Crowne Plaza (вул. Кірава, 13) адбудзецца прэзэнтацыя дасьледаваньня Беларускага інстытуту стратэгічных дасьледаваньняў (BISS) «Ценевая эканоміка Беларусі: прычыны, асаблівасьці і выклікі». Пачатак у 17.00.
Менск, у Нацыянальным прэсавым цэнтры адбудзецца прэсавая канфэрэнцыя «Падрыхтоўка гораду Менску да сьвяткаваньня Калядаў і Новага году» з удзелам прадстаўнікоў Менгарвыканкаму. Пачатак у 11.00.
Менск, Нацыянальны гістарычны музэй Беларусі (вул. К. Маркса, 12) прэзэнтуе перасоўны выставачны праект «Беларусь і беларусы». Пачатак у 17.00.
Кіеў, віцэ-прэзыдэнт ЗША Джозэф Байдэн выступіць у Вярхоўнай Радзе Ўкраіны
У гісторыі
1432 — Ашмянская бітва паміж войскамі вялікіх князёў Свідрыгайлы і Жыгімонта Кейстутавіча.
1854 — папа Пій ІХ устанавіў догмат Каталіцкай Царквы аб беззаганным зачацьці Дзевы Марыі, маці Ісуса Хрыста.
1926 — У склад БССР увайшлі Рэчыцкі і Гомельскі паветы.
1955 — Парлямэнцкая асамблея Рады Эўропы зацьвердзіла свой сьцяг — цяперашні сьцяг Эўразьвязу.
1958 — у Мадрыдзе з ініцыятывы Рады БНР пачалася трансьляцыя беларускіх радыёперадачаў гішпанскага радыё, якія рэдагаваў Янка Сурвіла. Вяшчаньне ішло да траўня 1965 году, у эфір выйшла больш за 2300 перадачаў.
1974 — у Грэцыі ў рэфэрэндуме была скасаваная манархія.
1980 — у Нью-Ёрку быў застрэлены Джон Ленан, музыка легендарнага гурту"The Beatles".
1991 — у рэзыдэнцыі Віскулі ў Белавескай пушчы былі падпісаныя Белавескія пагадненьні. Кіраўнікі Беларусі, Расеі і Ўкраіны Станіслаў Шушкевіч, Барыс Ельцын і Леанід Краўчук афіцыйна дэнансавалі дагавор аб утварэньні СССР і ўтварылі Садружнасьць Незалежных Дзяржаваў.
1999 — кіраўнікі Беларусі і Расеі Аляксандар Лукашэнка і Барыс Ельцын падпісалі дамову аб стварэньні так званай саюзнай дзяржавы Беларусі і Расеі.
У гэты дзень нарадзіліся
65 да н.э — Гарацый, рымскі паэт
1832 — Б’ёрнсцернэ Б’ёрнсан, нарвескі пісьменьнік, ляўрэат Нобэлеўскай прэміі па літаратуры
1914 — Часлаў Сіповіч, грэка-каталіцкі біскуп, актыўны дзяяч беларускай эміграцыі ў Вялікабрытаніі, заснавальнік Беларускай бібліятэкі і музэя імя Францішка Скарыны ў Лёндане.
1918 — Аляксандр Махнач, беларускі навуковец-гэоляг, акадэмік, у 1973-1986 гадах — віцэ-прэзыдэнт АН БССР. Удзельнічаў у адкрыцьці на тэрыторыі Беларусі нафтавых радовішчаў, радовішчаў калійных і каменных соляў, жалезнай руды, гаручых сланцаў.
1935 — Рыгор Родчанка, беларускі краязнаўца, пэдаго, фальклярыст, паэт, літаратуразнаўца.
Цытата
Саюз ССР як суб’ект міжнароднага права і геапалітычная рэальнасьць спыняе сваё існаваньне.
З пагадненьня аб дэнансацыі Саюзу ССР
