Лінкі ўнівэрсальнага доступу

Аляксей Шэін нарадзіўся ў 1976. Скончыў філялягічны факультэт БДУ. Займаўся журналістыкай і грамадзкай дзейнасьцю (быў намесьнікам старшыні Маладога Фронту і сустаршынём Беларускай Хрысьціянскай Дэмакратыі). Вучыўся ў магістратуры Эўрапейскага гуманітарнага ўнівэрсытэту (Вільня). Скончыў праграму навучаньня ў Haggai Institute (Hawaii, USA). Арганізатар курсаў беларускай мовы «Моваведа». Як вядоўца гэтых курсаў у 2015 узнагароджаны прэміяй «Чэмпіёны грамадзянскай супольнасьці» ў намінацыі «Грамадзкі лідэр году» (прэмія ўручаецца Асамблеяй няўрадавых дэмакратычных арганізацыяў). Пераможца літаратурнага конкурсу «Эксьлібрыс» імя Аляксандра Уласава, які праводзіўся Саюзам беларускіх пісьменьнікаў у 2014. У 2015 выдаў раман «Сем камянёў».

1. Для каго вы пішаце? (Хто ваш ідэальны чытач?)

Ідэальны чытач — такое ж фантастычнае стварэньне, як і ідэальны пісьменьнік.

2. Дзе вам найлепш пішацца, і калі?

Дома, вечарам ці ноччу.

3. Аўтарам якой ужо напісанай кнігі вы хацелі б быць?

«Сем камянёў».

4. Які літаратурны герой найбольш падобны да вас?

Я ячшэ не прайшоў гэтага тэсту ў Фэйсбуку.

5. Хто ваш улюбёны пісьменьнік?

Два прарокі — Ісая і Даніэль, і адзін апостал — Павал з Тарсу.

6. Што вы цяпер чытаеце?

Рыхтуем да выданьня «Хронікі Нарніі» на беларускай мове. Таму чытаю іх зараз па-ангельску, па-беларуску, па-расейску і па-ўкраінску.

7. На якіх замежных мовах (расейская ня лічыцца) вы можаце чытаць?

Гл. Пункт 6 + польская.

8. Якая ваша найбольш улюбёная кніга з напісаных вамі?

Напісаў пакуль толькі адну.

9. Якую кнігу вам яшчэ хочацца напісаць?

Добрую кнігу.

10. Калі вы адчуваеце сябе найбольш свабодным?

Адчуваў найбольш свабодным кожны раз, калі выходзіў з чарговых сутак на Акрэсьціна.

Паказаць камэнтары

XS
SM
MD
LG