Колькасьць расейцаў, якія лічаць Расею вялікай дзяржавай, вырасла за апошнія чатыры гады на 18 адсоткаў.
Паводле дадзеных сацыялягічнага апытаньня, праведзенага «Левада-цэнтрам» у канцы лістапада, вялікай дзяржавай Расею назвалі 65 адсоткаў рэспандэнтаў, паведамляе «Інтэрфакс».
У 2011 годзе такога меркаваньня прытрымліваліся крыху менш за палову апытаных. У 1999 годзе вялікай дзяржавай Расію называла траціна рэспандэнтаў, а супрацьлеглага меркаваньня прытрымліваліся 65 адсоткаў.
Больш за траціну (36%) расейцаў хацелі б бачыць Расею ў будучыні «такою, як разьвітыя краіны Захаду». 23% хочуць, каб краіна была такой, як у часы СССР, 14% рэспандэнтаў задавальняе бягучы стан, а 3% жадаюць, каб Расея была такой, як да рэвалюцыі 1917 году.
57% хочуць бачыць Расію моцнай і квітнеючай, 52% — багатай, 40% — адукаванай, і толькі траціна — мірнай і справядлівай.
