Лінкі ўнівэрсальнага доступу

Парашэнка: Галадамор — праява шматвяковай гібрыднай вайны, якую Расея вядзе супраць Украіны


Пятро Парашэнка
Пятро Парашэнка

Прэзыдэнт Украіны Пятро Парашэнка назваў Галадамор мінулага стагодзьдзя ва Ўкраіне праявай гібрыднай вайны, якую Расея вядзе супраць Украіны. Пра гэта гаворыцца ў паведамленьні Парашэнкі на ягонай старонцы ў сацыяльнай сетцы Facebook.

«Сёньня мы традыцыйна запальваем сьвечкі ў памяць ахвяраў Галадамору. Молімся за шматмільённы нябесны легіён ўкраінскага народу. Сьветлыя душы нявінна забітых украінцаў тут, нябачна побач з намі. Галадамор гэта нішто іншае як праява шматвяковай гібрыднай вайны, якую Расея вядзе супраць Украіны», — напісаў прэзыдэнт Парашэнка.

28 лістапада ва Ўкраіне адбыліся жалобныя мерапрыемствы ў памяць аб ахвярах Галадамору. На ўсёй тэрыторыі Ўкраіны прыспушчаныя дзяржаўныя сьцягі і абмежаванае правядзеньне забаўляльных мерапрыемстваў.

Паводле ацэнак украінскай Акадэміі навук, ахвярамі масавага голаду ва Ўкраінскай савецкай сацыялістычнай рэспубліцы ў 1930-я гады сталі 4,5 мільёны чалавек. Галадамору папярэднічалі гвалтоўная калектывізацыя сельскіх гаспадарак, раскулачваньне сялян, хлебанарыхтоўчая кампанія, масавы тэрор на сяле.

У 2006 годзе Вярхоўная Рада Ўкраіны прызнала Галадамор актам генацыду ўкраінскага народу.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG