Афіша:
Кансэрватыўна-Хрысьціянская Партыя БНФ праводзіць мэмарыяльныя мерапрыемствы на Случчыне ў гонар 95-х угодкаў Слуцкага Збройнага Чыну 1920 годзe. Група патрыётаў праедзе па месцах баёў з бальшавіцкімі агрэсарамі і ўшануе памяць беларускіх герояў у Грозаве, Вызьне (цяпер Чырвоная Слабада) і Семежаве. Мерапрыемствы завершацца мітынгам у Слуцку, каля мясцовага Краязнаўчага музэю (у гэтым будынку адбыўся Зьезд дэлегатаў Случчыны і працаваў штаб паўстаньня). Мітынг распачнецца а 14.30. Атрыманы дазвол уладаў.
У гісторыі:
1830 ― пачалося нацыянальна-вызвольнае Лістападаўскае паўстаньне ў Польшчы.
1877 ― Томас Эдысан упершыню прадэманстраваў грамафон.
1920 ― пачала працу Гарадзенская Беларуская Гімназія.
1945 ― абвешчанае стварэньне Фэдэратыўнай Народнай Рэспублікі Югаславіі.
1961 ― быў узарваны Гарадзенскі фарны касьцёл прачыстай Маці Боскай.
У памяці:
1937 ― памёр Ізі Харык, беларускі габрэйскі паэт.
1938 ― памерла Палута Бадунова, беларускі палітык.
1938 ― памёр Браніслаў Тарашкевіч, беларускі мовазнаўца і палітык.
Цытата:
«Над зямлёю Слуцкай стараны каханай
Уздымаўся ўгору жудасны віхор;
Наляцела хмарай‚ здрадна захаванай‚
Азіятаў войска на наш шыр-прастор.
Але ўжо ня згодны беларус гнуць сьпіну;
Досыць пацярпеў ён шмат гадоў палон;
Паўстае ён сьмела за сваю Краіну‚
За абліты потам дарагі загон.
У вачох бліскучых вызваленьня смага;
Хай грымяць гарматы! Надыйшлі вякі‚
Калі за свабоду з агнявой адвагай
Ў бітву рвуцца сьмела Слуцкія палкі».
Алесь Змагар (Аляксандар Яцэвіч), «Слуцкія палкі», верш напісаны ў Слуцку ў лістападзе 1920.