Лінкі ўнівэрсальнага доступу

logo-print

Вітрюслянд, Лефкоросія ды Фэгэроросорсаг — як у Эўропе называюць Беларусь (інфаграфіка)


Сярод 50 краін Эўропы толькі 12* называюць Беларусь, на думку беларусаў, правільна. Астатнія выкарыстоўваюць старыя формы, утвораныя ад «Белоруссии» ці «Белай Расіі». Свабода падрыхтавала інтэрактыўную інфаграфіку, якая паказвае, як Беларусь называюць жыхары Старога Сьвету.

На гэтым тыдні вядучая швэдзкая газэта «Дагенс Нюхетэр» перайшла да ўжываньня формы «Belarus» замест традыцыйнай Vitryssland, якая даслоўна азначае «Белая Расея».

Аднак гэта не зьмяняе агульнага найменьня Беларусі ў Швэцыі. Як і ў астатніх германамоўных краінах, Беларусь там ведаюць найперш як «Белую Расею». Нават беларускамоўны Андрэ Бём, які лепш за нас тлумачыць немцам, што «Вайсрусьлянд» — няправільна, ня змог перамагчы выдаўцоў, якія выдалі ягоны даведнік пра нашу краіну, назваўшы яе ўсё ж «Weißrussland».

Інфаграфіка** паказвае, як Беларусь называюць у розных краінах Эўропы (уключна з Грузіяй, Армэніяй, Азэрбайджанам, Казахстанам і Турэччынай, якія адносяць да кантынэнтальнай Эўропы).

І хоць у большасьці краінаў афіцыйна Беларусь называюць «Рэспублікай Беларусь», выкарыстоўваюцца і гістарычныя назвы, утвораныя ад варыянтаў «Белоруссия» ці «Белая Расея».

Згодна з гэтай мапай, з 50 краін Эўропы толькі 12 (24%) выкарыстоўваюць назву «Беларусь». Яшчэ 20 краін (40%) карыстаюцца варыянтам «Белая Расеея», 18 краін (36%) — «Беларусія».

*У выпадку дзьвюх і болей дзяржаўных моў бралася мова тытульнай нацыі (Фінляндыя), а, калі яны роўныя ў правах (у Швайцарыі, Бэльгіі, Кіпры), то мова большасьці.

**Інфармацыя зь Вікіпэдыі, складзейнай карыстальнікамі й дзе выкарыстоўваецца менавіта варыянт найбольш частага і звыклага ўжываньня назвы краіны.

Паказаць камэнтары

XS
SM
MD
LG