Паненкі любяць фатаграфавацца зь ім у абдымку. Пытаю часам:
«Каму гэта помнік?»
Адказ адзін:
«Ня ведаем».
«Чаму абдымаеце незнаёмага мужчыну?»
«?..»
Чакалася, што паўстане сапраўдны помнік ля цэнтральнага ўваходу ў сквэр з боку вуліцы Ажэшкі. З цокалем, надпісам: хто і чаго тут стаіць. Каб ведалі гарадзенцы, каб памяталі. Бо Жан Эмануэль Жылібэр, стваральнік і кіраўнік Горадзенскай мэдычнай акадэміі, заснавальнік акушэрскае і вэтэрынарнае школы, клінічнага шпіталю і гэтага сквэру, таго варты.
Ці пазналі яго апошнія дрэвы ў сквэры, якія ён пасадзіў?
Ала Петрушкевіч
Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org