Лінкі ўнівэрсальнага доступу

Дзе на сьвеце найцяжэй знайсьці прыбіральню?


Прыбіральня на адным зь беларускіх аўтавакзалаў.

Прыбіральня на адным зь беларускіх аўтавакзалаў.

19 лістапада — Сусьветны дзень прыбіральняў. Для людзей у разьвітых краінах прыбіральня з унітазам і вада з-пад крану — рэчы самі сабой зразумелыя.

Аднак больш за 650 мільёнаў чалавек на сьвеце ня маюць доступу да чыстай вады, а больш за 2,3 мільярда ня маюць доступу да бясьпечнай прыватнай прыбіральні.

Дыярэя зьяўляецца адной з трох найбольш распаўсюджаных хваробаў-забойцаў маленькіх дзяцей па ўсім сьвеце, разам з пнэўманіяй і малярыяй. Большасьць з гэтых сьмерцяў — 58% зь іх — можна было б прадухіліць з дапамогай чыстай вады, санітарыі і гігіены, уключаючы ў гэта мыцьцё рук з мылам. Калі б чыстая вада, санітарыя і гігіена былі агульна даступныя, кожны год можна было б выратаваць 315 тысяч дзяцей.

Гэтыя зьвесткі ўзятыя са справаздачы «Стан сусьветных прыбіральняў 2015», якую падрыхтавала міжнародная дабрачынная арганізацыя «WaterAid».

У справаздачы прыводзіцца шмат цікавых статыстычных зьвестак у табліцах. Працытуем тры зь іх.

У якой краіне найцяжэй знайсьці прыбіральню? У дужках — адсотак насельніцтва краіны, якое ня мае доступу да «палепшанай» прыбіральні. 10 «топавых» краінаў гэтага рэйтынгу знаходзяцца ў Афрыцы:

Паўднёвы Судан (93,3),

Нігер (89,1),

Тога (88,4),

Мадагаскар (88,0),

Чад (87,9),

Сьера Леонэ (86,7),

Гана (85,1),

Конга (85,0),

Танзанія (84,4),

Эрытрэя (84,3).

У якой краіне найдаўжэйшыя чэргі ў прыбіральню? У дужках даецца колькасьць людзей (у мільёнах) бяз доступу да «палепшанай» прыватнай прыбіральні:

Індыя (774),

Кітай (330),

Нігерыя (130),

Інданэзія (100),

Этыёпія (71),

Пакістан (69),

Банглядэш (63),

Дэмакратычная рэспубліка Конга (51),

Танзанія (44),

Расея (39).

У якой разьвітай краіне найцяжэй знайсьці прыбіральню? У дужках — адсотак насельніцтва краіны, якое ня мае доступу да бясьпечнай прыватнай прыбіральні:

Расея (27,8),

Малдова (23,6),

Румынія (20,9),

Баўгарыя (14),

Латвія (12,2),

Ірляндыя (9,5),

Македонія (9,1),

Літва (7,6),

Альбанія (6,8),

Беларусь (5,7).

XS
SM
MD
LG