Лінкі ўнівэрсальнага доступу

Лябедзьку выклікаюць у суд за акцыю памяці каля КДБ


Анатоль Лябедзька на акцыі памяці ахвяраў сталінскіх рэпрэсій каля будынка КДБ

Анатоль Лябедзька на акцыі памяці ахвяраў сталінскіх рэпрэсій каля будынка КДБ

20 лістапада суд Цэнтральнага раёну Менску разгледзіць адміністрацыйную справу супраць старшыні Аб’яднанай грамадзянскай партыі Анатоля Лябедзькі. Яго абвінавачваюць у парушэньні парадку арганізацыі або правядзеньня масавых мерапрыемстваў за ўдзел у акцыі памяці ахвяраў сталінскіх рэпрэсіяў каля будынку КДБ у Менску 29 кастрычніка.

«Лідэр АГП плянуе наведаць гэтае шоў, каб асабіста засьведчыць сваё стаўленьне да таго, што адбываецца», — паведаміла прэс-служба АГП.

За акцыю каля КДБ суд 12 лістапада пакараў 9-мільённымі штрафамі апазыцыянэраў Мікалая Статкевіча, Уладзімера Някляева і Максіма Вінярскага.

Судзьдзя тады задаволіла хадайніцтва Лябедзькі аб пераносе пасяджэньня. Палітык матываваў гэта ўдзелам у сустрэчы зь міністрам замежных спраў Літвы Лінасам Лінкявічусам, які знаходзіўся ў Менску.

Таксама 20 лістапада Менскі гарадзкі суд разгледзіць скаргу Анатоля Лябедзькі на рашэньне суду Цэнтральнага раёну ад 28 кастрычніка, згодна зь якім палітыка аштрафавалі на 9 мільёнаў рублёў. Судзьдзя прызнала яго вінаватым у парушэньні парадку арганізацыі або правядзеньня вулічнага мерапрыемства паўторна цягам аднаго года за ўдзел у «Шэсьці нацыянальнага сьцяга» ў Менску 10 кастрычніка.

Паказаць камэнтары

XS
SM
MD
LG