Лінкі ўнівэрсальнага доступу

Менгарвыканкам забараніў чытаць Біблію ўголас у парку


Ілюстрацыйнае фота

Ілюстрацыйнае фота

Па дазвол на такую акцыю ў Менгарвыканкам зьвярнуўся юрыст царквы «Новае жыцьцё» Сяргей Луканін.

«Прашу дазволіць правядзеньне мерапрыемства ў выглядзе публічнага чытаньня Бібліі. Мэтай мерапрыемства зьяўляецца папулярызацыя тэкстаў Сьвятога Пісаньня, хрысьціянскіх каштоўнасьцяў. Дадзенае мерапрыемства ня будзе зьяўляцца набажэнствам, ня мае мэтай адпраўленьне рэлігійных абрадаў, зьдзяйсьненьне рэлігійных рытуалаў і цырымоніяў», — напісаў у заяве Сяргей Луканін.

Ён меўся 20 лістапада правесьці чытаньне Бібліі ў менскім дзіцячым парку імя Горкага, перад помнікам расейскаму пісьменьніку.

Таксама Луканін прасіў гарадзкія ўлады паведаміць парадак ўзгадненьня правядзеньня аналягічных мерапрыемстваў у парку на сталай аснове кожную нядзелю.

Аднак Менгарвыканам забараніў публічнае чытаньне Бібліі ў парку, спаслаўшыся на тое, што гэта рэлігійная дзейнасьць, дазволеная толькі рэлігійным арганізацыям. Маўляў, рэлігійныя абрады бесьперашкодна праводзяцца ў культавых будынках, а таксама ў іншых месцах, якія прадстаўляюцца рэлігійным арганізацыям.

«Хрысьціянін, памятай — чытаючы Біблію ўголас, ты парушаеш закон!», — напісаў у Фэйсбуку Сяргей Луканін.

Паказаць камэнтары

XS
SM
MD
LG