У інтэрнэце разгарнулася кампанія ў падтрымку Лявона Вольскага і «Крамбамбулі», канцэртная дзейнасьць якіх забароненая ў Беларусі.
На change.org зьявілася пэтыцыя ў падтрымку Лявона Вольскага. Яна называецца «Зьняць забарону на канцэртную дзейнасьць з Лявона Вольскага і гурту Крамбамбуля» і адрасаваная Міністэрству культуры, паведамляе Эўрарадыё.
«Вядомы беларускі спявак, лідэр культавых гуртоў Мроя, NRM, Крамбамбуля Лявон Вольскі знаходзіцца ў т. зв. чорным сьпісе дзеячаў культуры, што вельмі перашкаджае яго дзейнасьці на тэрыторыі роднай краіны. Нельга, каб паўтарылася гісторыя Барыса Кіта, Марка Шагала і іншых таленавітых беларусаў», пішуць аўтары пэтыцыі.