Лінкі ўнівэрсальнага доступу

Яшчэ адзін беларус пасьмяротна атрымае «Ордэн Нябеснай сотні»


Беларускага грамадзяніна Сяргея Бараноўскага, які жыў у вёсцы Чарленіўка Наваселіцкага раёну, што на Букавіне, узнагародзяць пасьмяротна.

Пра гэта паведамляе Радыё Рацыя са спасылкай на Чарнавецкую абласную дзяржадміністрацыю.

Сёлета Бараноўскі памёр ад ранаў, якія атрымаў на Эўрамайдане ў лютым 2014 году.

Бараноўскі пераехаў ва Ўкраіну яшчэ ў 1991 годзе. Пабраўся шлюбам, у якім нарадзілася двое дзетак, атабарыўся ў вёсцы Чарленіўка, уладкаваўся электрагазазваршчыкам на тамтэйшай цагельні. Пасьля таго як «Беркут» зьбіў на кіеўскім Майдане незалежнасьці студэнтаў, Вараноўскі з аднавяскоўцамі выправіўся ў Кіеў. Падчас трагічных падзеяў у лютым 2014 году ён быў цяжка паранены. Нягледзячы на ўсе намаганьні дактароў, 19 сакавіка 2015 году беларус памёр.

Мясцовая адміністрацыя хадайнічала пра ўзнагароджаньне беларуса «Ордэнам Нябеснай сотні», які быў заснаваны ў гонар герояў, што загінулі падчас лютаўскіх падзеяў 2014 году. Гэта адна зь нешматлікіх дзяржаўных узнагародаў Украіны, якой можна ўганароўваць іншаземцаў.

Раней «Ордэн Нябеснай сотні» атрымаў беларус Міхаіл Жызьнеўскі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG