Лінкі ўнівэрсальнага доступу

«Вялікая дваццатка» дамовілася ўзмацніць дзеяньні па барацьбе з тэрарызмам


Сусьветныя лідэры на саміце «Вялікай дваццаткі», які адбыўся ў Турэччыне неўзабаве пасьля тэрактаў у Парыжы, дамовіліся ўзмацніць меры процідзеяньня экстрэмісцкай дзейнасьці.

Удзельнікі саміту паабяцалі, у прыватнасьці, умацоўваць узаемадзеяньне па абмене выведнай інфармацыяй, спыненьні каналаў фінансаваньня тэрарыстаў, забесьпячэньні лепшага кантролю на межах Эўропы.

Як падкрэсьліла ў панядзелак, у заключны дзень двухдзённага саміту, канцлер Нямеччыны Ангела Мэркель, чальцы «Вялікай дваццаткі» адзіныя ў меркаваньні, што адказам на выклікі, якія сыходзяць ад экстрэмістаў, ня могуць быць толькі ваенныя сродкі.

Прэзыдэнт Расеі Уладзімер Пуцін лічыць, што аб’яднаньне намаганьняў у барацьбе з тэрарызмам зьяўляецца першаснай задачай, у тым ліку для ўрэгуляваньня сытуацыі ў Сырыі.

Прэм’ер-міністар Вялікабрытаніі Дэвід Кэмэран, які сёньня правёў асобную сустрэчу з Пуціным, заявіў, што застаецца «вельмі вялікі разрыў» паміж краінамі Захаду і Расеяй у падыходзе да ўрэгуляваньня сырыйскага канфлікту.

Пры гэтым брытанскі прэм’ер адзначыў, што ўсе бакі дэманструюць прыкметы гатоўнасьці ісьці на кампраміс.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG