Лінкі ўнівэрсальнага доступу

«Вясна» просіць Вярхоўны суд расказаць, за што асудзілі Жамчужнага


Міхаіл Жамчужны

Міхаіл Жамчужны

12 лістапада праваабарончы цэнтар «Вясна» накіраваў запыт старшыні Вярхоўнага судe Валянціну Сукалу адносна крымінальнай справы заснавальніка «Платформы-інавэйшн» Міхаіла Жамчужнага.

У зьвязку з тым, што суд быў закрытым, праваабаронцы просяць Сукалу «выказацца пра сутнасьць крымінальнай справы супраць Міхаіла Жамчужнага, характар зьвестак, якія з парушэньнем устаноўленага законам парадку ён здабываў, устаноўленых прысудам матываў дзеяньняў асуджанага ў межах, якія не пацягнуць разгалошваньня ахоўваных законам зьвестак».

Паводле аўтараў звароту, гэтая інфармацыя паўплывае на ацэнку «Вясной» абгрунтаванасьці й матываў крымінальнага перасьледу Міхаіла Жамчужнага. А таксама дазволіць вызначыць, ці зьвязаны гэты крымінальны перасьлед з праваабарончай дзейнасьцю Жамчужнага.

23 кастрычніка Вярхоўны суд у закрытым рэжыме разгледзеў касацыйную скаргу асуджанага й павялічыў на паўгоду тэрмін зьняволеньня.

Міхаіл Жамчужны 10 ліпеня быў асуджаны Віцебскім абласным судом на 6 гадоў калёніі строгага рэжыму. Яго абвінавацілі па некалькіх артыкулах крымінальнага кодэксу: наўмыснае раскрыцьцё зьвестак, якія маюць службовую тайну, незаконнае набыцьцё (выраб) сродкаў для сакрэтнага атрыманьня інфармацыі, якая складае службовую таямніцу, а таксама дача хабару.

Паказаць камэнтары

XS
SM
MD
LG