Фэдэральная служба бясьпекі Расеі паведаміла, што былы супрацоўнік Галоўнага ўпраўленьня МУС Расеі па Маскоўскай вобласьці Яўген Чыстоў быў прызнаны вінаватым у дзяржаўнай здрадзе ў форме шпіянажу на карысьць ЗША.
Маскоўскі абласны суд пакараў Чыстова пазбаўленьнем волі тэрмінам на 13 гадоў з адбываньнем пакараньня ў калёніі строгага рэжыму, паведамляе агенцтва Інтэрфакс, спасылаючыся на ФСБ.
ФСБ паведаміла, што ў ходзе судовых слуханьняў Чыстоў прызнаў сябе вінаватым цалкам, пацьвердзіў факт сваёй вярбоўкі ЦРУ ЗША, а таксама выдачы замежнай спэцслужбе зьвестак аб дзейнасьці МУС Расеі, якія складаюць дзяржаўную таямніцу.
Чыстоў, паводле ФСБ, па ўласнай ініцыятыве ўсталяваў кантакты з ЦРУ ў 2011 годзе.
