Народны дэпутат Украіны Дзьмітрый Яраш заявіў аб складаньні паўнамоцтваў лідэра руху «Правы сэктар». Пра гэта ён напісаў сёньня на сваёй старонцы ў Фэйсбуку.
Яраш растлумачыў сваё рашэньне ідэалягічнымі разыходжаньнямі зь некаторымі прадстаўнікамі кіраўніцтва руху.
«Атрымаўшы раненьне і патрабуючы доўгага часу на лячэньне, я даверыў некаторыя напрамкі кіраваньня рухам сваім блізкім паплечнікам, якія мелі і маюць свой погляд на разгортваньне нацыяналістычнага руху», — напісаў ён.
Паводле словаў Яраша, ён нясе пэрсанальную адказнасьць за ўсё, што адбываецца ў арганізацыі, і не зьбіраецца перакладаць яе на іншых. «Менавіта таму я не магу быць «вясельным генэралам» у «Правым сэктары», — адзначыў Дзьмітрый Яраш.