Лінкі ўнівэрсальнага доступу

Расейскі «Мэмарыял» абвінавацілі ў «падрыве канстытуцыйнага ладу»


Сябар рады "Мэмарыялу" Алег Арлоў ля будынку арганізацыі, на фасадзе якога невядомыя зрабілі надпіс "Замежны агент". Архіўнае фота 2012 году

Сябар рады "Мэмарыялу" Алег Арлоў ля будынку арганізацыі, на фасадзе якога невядомыя зрабілі надпіс "Замежны агент". Архіўнае фота 2012 году

Міністэрства юстыцыі Расеі абвінаваціла праваабарончы цэнтар «Мэмарыял» у тым, што яго сябры «падрывалі асновы Канстытуцыйнага ладу РФ, заклікаючы да зьвяржэньня дзейнай улады і зьмены палітычнага рэжыму ў краіне».

Пра гэта паведаміла газэта «Коммерсант». Газэта спасылаецца на атрыманы ёю акт праверкі, праведзенай Галоўнай управай Міністэрства юстыцыі: вывучыўшы сайт «Мэмарыялу», чыноўнікі зрабілі выснову, што ён «займаецца палітычнай дзейнасьцю ў мэтах фармаваньня нэгатыўнай грамадзкай думкі адносна дзяржаўнай палітыкі, якая праводзіцца вышэйшымі органамі дзяржаўнай улады, выказвае нязгоду з рашэньнямі і дзеяньнямі інстытутаў улады, вынікамі папярэдняга сьледзтва і судовымі прысудамі па рэзанансных крымінальных справах».

Як працягвае «Коммерсант», у акце ёсьць два прыклады: цытата з заявы міжнароднага «Мэмарыялу»: «дзеяньні Расеі супраць Украіны падпадаюць пад вызначэньне агрэсіі», і апублікаванае на сайце меркаваньне «аб нязгодзе з прысудам, вынесеным Замаскварэцкім раённым судом горада Масквы па так званай «балотнай справе». У выніку, на думку Мін’юста, гэта азначае, што сябры «Мэмарыялу» «падрывалі асновы Канстытуцыйнага ладу РФ, заклікаючы да зьвяржэньня дзейнай улады, зьмене палітычнага рэжыму ў краіне», — паведамляе «Коммерсант».

У Мін’юсце Расеі не змаглі апэратыўна пракамэнтаваць дакумэнт.

Сябар рады «Мэмарыялу» Алег Арлоў заявіў «Коммерсанту», што гэта была першая плянавая праверка пасьля ўнясеньня арганізацыі ў сьпіс замежных агентаў. Паводле яго слоў, гаворка ідзе «не аб юрыдычным, а чыста палітычным абвінавачваньні».

XS
SM
MD
LG