Галасаваньне пачалося на першых парлямэнцкіх выбарах Харватыі пасьля таго, як краіна далучылася да Эўрапейскага саюзу ў 2013 годзе. Амаль 3,8 мільёнаў харватаў маюць права галасаваць.
Паводле апытаньняў грамадзкай думкі, галоўным канкурэнтам кіроўнага левацэнтрысцкага альянсу пад кіраўніцтвам прэм’ер-міністра, сацыял-дэмакрата Зорана Міланавіча зьяўляецца кансэрватыўная «Патрыятычная кааліцыя», якая мае крыху больш высокі рэйтынг.
Як чакаецца, ніводная з палітычных сілаў ня зможа набраць большасьць, неабходную для фармаваньня ўраду.
Першыя пасьля ўваходжаньня Харватыі ў ЭЗ усеагульныя выбары праходзяць на фоне масавага прытоку ў краіну мігрантаў і цяжкага выхаду эканомікі з 6-гадовай рэцэсіі.
