Лінкі ўнівэрсальнага доступу

Бацька мне расказваў, што калi яны беглi ад немца зь мястэчка, то заначавалi на бульбяным полi. Яно было ля дарогi. На другой старане былі бачныя хаты, але яны палохалi — а раптам там ужо немцы. I таму спалi пасярод поля, у барознах, каб з дарогi не было відаць. Бульба квiтнела i пах яе кветак кружыў галаву. Бацька казаў, што да гэтага нiколi ня ведаў такога паху. Яму не было з чым яго параўнаць.

— А зараз ведаю, — сказаў ён. — Кветкi пахлі памiдорамі!

I дадаў:

— Да вайны ў мястэчку не было памiдораў. Вырошчваць iх пачалi толькi пасьля вайны.

Марат Баскiн

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Паказаць камэнтары

XS
SM
MD
LG