Польская служба вайсковай контарвыведкі вядзе сьледзтва па факце ўцечкі дадзеных вайскоўцаў. Пра гэта паведамляюць газэта Nasz Dziennik і Радио Польша (для замежжа).
У Польшчы разьбіраюцца, як Расея атрымала доступ да службовых тэлефонных нумароў некалькіх тысяч польскіх афіцэраў. Таямнічыя званкі паступалі як вайскоўцам, так і цывільным асобам.
Некаторым зь іх тэлефанавалі па некалькі разоў. На экранах тэлефонаў зьяўляўся нумар расейскага апэратара, які аказвае платныя тэлефонныя паслугі.
Абанэнты, якія званілі, чакалі злучэньня, пасьля чаго клалі слухаўку.
У выпадку, калі адрасат ператэлефаноўваў, зь яго рахунку здымаліся грошы, часам вялікія сумы.
«Гэта вельмі складаная справа. Мы цяпер праводзім праверку», — паведаміў прэс-сакратар Міністэрства абароны Польшчы палкоўнік Яцэк Соньта. Усе нумары тэлефонаў вайскоўцаў належаць да тэлефоннай сеткі Плюс, апэратарам якой зьяўляецца кампанія Polkomtel.
