Злучаныя Штаты разглядаюць магчымасьць ўзмацніць атакі на групоўку «Ісламская дзяржава» з паветра і на зямлі. Як паведамляе CNN, пра гэта заявіў міністар абароны ЗША Эштан Картэр на слуханьнях у сэнацкім камітэце па ўзброеных сілах.
Картэр сказаў, што ЗША ня будуць стрымлівацца ў падтрымцы партнэраў, якія праводзяць такія атакі, а таксама ў «правядзеньні такіх апэрацый наўпрост, праз удары з паветра альбо праз наўпроставыя дзеяньні на зямлі».
Пры гэтым CNN паведамляе са спасылкай на крыніцы ў адміністрацыі прэзыдэнта ЗША, што канчатковага рашэньня пра далейшыя наземныя апэрацыі пакуль не прынята.
