Лінкі ўнівэрсальнага доступу

Сьвята паэзіі з Гарошкава перабралася ў Дом культуры вёскі Заспа


Сястра Анатоля Сыса Валянціна ўскладае кветкі да магілы паэта

Сястра Анатоля Сыса Валянціна ўскладае кветкі да магілы паэта

У вёсцы Гарошкаў Рэчыцкага раёну 24 лістапада ладзілася традыцыйнае сьвята паэзіі памяці выбітнага беларускага творцы Анатоля Сыса.

На пачатку вядомыя беларускія літаратары зь Менску, Гомеля, Веткі разам з землякамі паэта наведалі вясковыя могілкі ў Гарошкаве, дзе Анатоль Сыс пахаваны побач з бацькамі — Марыяй Іванаўнай і Ціханам Цярэнцьевічам. Да помніка творцы ўсклалі жывыя кветкі.

Па дарозе да магілы Анатоля Сыса, на першым пляне - Барыс Пятровіч і Алесь Пашкевіч

Па дарозе да магілы Анатоля Сыса, на першым пляне - Барыс Пятровіч і Алесь Пашкевіч

Кветкі да помніка Анатоля Сыса

Кветкі да помніка Анатоля Сыса

Адкрываючы сьвята паэзіі, старшыня Саюзу беларускіх пісьменьнікаў Барыс Пятровіч сказаў:

«Кожны раз, калі бываю тут, у Гарошкаве, з удзячнасьцю згадваю прашчураў, продкаў, гарошкаўцаў, якія зрабілі могілкі на такім цудоўным месцы над дняпроўскай стромай. Анатоль хацеў сюды вярнуцца, яму тут добра сярод сваіх родных, сяброў і блізкіх, якіх ён любіў і з удзячнасьцю прысьвячаў свае вершы:

Я чую сум ваш на зямлі,

Вы не судзіце свайго сына строга.

Мяне анёлы за руку ўзялі

І, як дзіця, вядуць да Пана Бога».

Сын паэта Ціхан

Сын паэта Ціхан

Каля помніка Анатолю Сысу ў Гарошкаве

Каля помніка Анатолю Сысу ў Гарошкаве

Сьвятара сёлета на могілкі не запрашалі. Затое пад залацістымі восеньскімі бярозамі гучала старажытная дуда ва ўмелых руках Яўгена Барышнікава. Музыку дуды Анатоль Сыс вельмі любіў.

Гучыць дуда

Гучыць дуда

З могілак сьвята паэзіі перабіралася звычайна на падворак роднай хаты паэта ў цэнтры Гарошкава. Але сёлета гэта маршрут быў упершыню зьменены. Сьвята перамясьцілася ў Засьпеньскі сельскі дом культуры. Раней улады не дазвалялі рабіць падобныя імпрэзы ні ў школе, дзе вучыўся Анатоль, ні ў мясцовых культасьветустановах.

На могілках у Гарошкаве

На могілках у Гарошкаве

Пакланіцца паэту ў Гарошкаў прыяжджалі зь дзецьмі

Пакланіцца паэту ў Гарошкаў прыяжджалі зь дзецьмі

«Амаль кожны раз, калі мы прыяжджалі ў Гарошкаў, было холадна, дождж, часам і сьнег. На падворку было ня дужа ўтульна, асабліва тым, хто прыяжджаў, каб пасьпяваць песьні на вершы Анатоля. Гэтым разам мы зьвярнуліся да старшыні Засьпеньскага сельскага савета, і ён ласкава дазволіў правесьці сьвята ў Доме культуры. Я думаю, што гэта лепей — цяплей і ўтульней. Мяркую, што на сьвята прыйдзе і больш землякоў, якія ведаюць і памятаюць паэта», — патлумачыў Барыс Пятровіч.

Старшыня Саюзу беларускіх пісьменьнікаў Барыс Пятровіч

Старшыня Саюзу беларускіх пісьменьнікаў Барыс Пятровіч

Заўсёднікі сьвята паэзіі ў Гарошкаве - Ларыса Раманава, Генадзь Лапацін, Міхась Скобла

Заўсёднікі сьвята паэзіі ў Гарошкаве - Ларыса Раманава, Генадзь Лапацін, Міхась Скобла

Анатоль пахаваны поруч з бацькам - Ціханам Сысом

Анатоль пахаваны поруч з бацькам - Ціханам Сысом

Адноўлены помнік маці паэта - Марыі Сыс

Адноўлены помнік маці паэта - Марыі Сыс

XS
SM
MD
LG