Як найменей трое расейцаў, якія ваююць на баку сырыйскіх урадавых сілаў, былі забітыя і яшчэ некалькі былі параненыя ў выніку артылерыйскага абстрэлу ў прыбярэжнай правінцыі Латакія. Пра гэта агенцтву Reuters паведаміла крыніца ў вышэйшых эшалёнах урадавага войска.
Калі гэтая інфармацыя пацьвердзіцца, гэта будзе першым выпадкам сьмерці расейскіх грамадзянаў ад таго моманту, калі Расея 30 верасьня распачала авіяўдары з мэтай падтрымкі прэзыдэнта Башара Асада.
Расейскае Міністэрства абароны не змагло апэратыўна пракамэнтаваць Reuters інфармацыю аб гібелі расейцаў. Таксама не змаглі пракамэнтаваць і афіцыйныя прадстаўнікі сырыйскіх уладаў.
Па дадзеных агенцтва, загінулі ня кадравыя ваенныя, а добраахвотнікі.
Самае папулярнае
1