«Адгортваецца новая старонка ў разьвіцьці нашай дзяржавы... Наперадзе нас чакаюць вельмі сур’ёзныя выпрабаваньні. Неабходна забясьпечыць ня толькі далейшае разьвіцьцё, але і захаваньне гэтай сувэрэннай незалежнай краіны, якую мы з вамі стварылі», — заявіў кіраўнік краіны.
Паводле Лукашэнкі, з 1 студзеня пачынаецца новы пяцігадовы пэрыяд, і ён павінен быць адметны ад іншых сваёй навізной. Менавіта таму патрабаваньні да новага ўраду асаблівыя: «Па-старому працаваць будзе немагчыма».
Трэба вырабіць прадукцыі як мага больш і прадаць яе па максымальнай цане.
Лукашэнка патрабуе максымальную ўвагу аддаць экспарту прадукцыі.
«Трэба вырабіць прадукцыі як мага больш і прадаць яе па максымальнай цане. Грошы вярнуць у краіну».
«Вы заўсёды казалі, што вельмі высокія цэны на энэрганосьбіты і сыравіну, якіх у нас няма. Усё астатняе ёсьць — тэхналёгіі, пісьменныя падрыхтаваныя людзі. Сёньня цэны на сыравіну самыя нізкія. Вырабляйце і прадавайце».
Лукашэнка рэзюмаваў: «Санкцыі зьнятыя. Дзейнічайце».
Таксама Лукашэнка заявіў, што ў Беларусі ня будзе рэформаў, накіраваных на злом цяперашняга парадку.
«Рэфармаваць будзем, удасканальваючы тое, што ёсьць.
Калі будзеце прэзыдэнтамі, тады будзеце рэзаць па жывым
Некаторыя кажуць: ёсьць крэдыт даверу, і трэба правесьці непапулярныя меры, прычым вельмі хутка, чытай — трэба хуценька рэзаць па жывым. Калі будзеце прэзыдэнтамі, тады будзеце рэзаць. Я нікога і нічога рэзаць ня маю намеру. А калі хочаце разануць, пачнём з тых, хто гэта прапаноўвае», — цытуе БелТА Лукашэнку.
«Падманваць людзей я не зьбіраюся, тым самым падносячы падарунак сваім ворагам і як мінімум супернікам. Гэта зусім ня значыць, што мы спынімся і застынем. Сыстэма толькі тады здольная жыць і выжываць, калі яна пастаянна знаходзіцца ў руху і ўдасканальваецца».
