Лінкі ўнівэрсальнага доступу

Удзельнікаў акцыі 11 кастрычніка пасьля прафіляктычнай размовы адпусьцілі зь міліцыі без складаньня пратаколаў


Падчас акцыі на плошчы Незалежнасьці 11 кастрычніка 2015 году

Падчас акцыі на плошчы Незалежнасьці 11 кастрычніка 2015 году

19 кастрычніка з актывістаў «Эўрапейскай Беларусі» Леаніда Кулакова, Мікалая Коласа і Аляксандра Рыбачэнкі ў Цэнтральным РУУС Менску ўзялі тлумачэньні, пасьля чаго ўсіх трох адпусьцілі дамоў без складаньня пратаколаў. Пра гэта карэспандэнту Свабоды паведаміў Леанід Кулакоў, які атрымаў позву ў міліцыю напярэдадні.

Леанід Кулакоў

Леанід Кулакоў

«Са мной правялі гэтак званую прафіляктычную размову, запісалі мае тлумачэньні, чаму я быў на недазволеным мітынгу на плошчы Незалежнасьці 11 кастрычніка, і адпусьцілі, нават не склалі пратаколу. Гэтаксама міліцыянты дзейнічалі і адносна Мікалая Коласа і Аляксандра Рыбачэнкі. Актывістцы Марыі Касьян, якая сама прыехала ў міліцыю, сказалі, што яе нібыта не выклікалі. Дзіўныя рэчы адбываюцца, але што ёсьць — тое і ёсьць», — сказаў Леанід Кулакоў.

Чым Леанід Кулакоў тлумачыць той факт, што гэтым разам за ўдзел у несанкцыянаванай акцыі актывістаў не пакаралі нават штрафамі?

«Усё проста: у дзяржавы скончыліся грошы, а Расея крэдыту не дае, бо сама патрацілася на вайну ва Ўкраіне, а цяпер яшчэ і ў Сырыі. Нашым уладам абавязкова патрэбны крэдыт ад МВФ, вось і гатовыя цярпець дэмакратыю. Таксама ім трэба, каб усё ж хаця б прыпынілі санкцыі. Таму таксама вытрымліваюць паўзу ў рэпрэсіях».

XS
SM
MD
LG