Лінкі ўнівэрсальнага доступу

logo-print

ЭЗ патрабуе ад Украіны антыкарупцыйнага пракурора для ўвядзеньня бязьвізавага рэжыму


Адным з абавязацельстваў, якія ўзяла на сябе Ўкраіна перад Эўразьвязам для ўвядзеньня бязьвізавага рэжыму, зьяўляецца завяршэньне конкурсу на пасаду антыкарупцыйнага пракурора. Пра гэта прэзыдэнт Украіны Пётр Парашэнка заявіў у інтэрвію ўкраінскім тэлеканалам 18 кастрычніка.

«Конкурс на пасаду антыкарупцыйнага пракурора павінен быць завершаны да канца лістапада. Гэта — наш абавязак перад ЭЗ па бязьвізавым рэжыме», — падкрэсьліў Парашэнка.

Ён таксама ўказаў, што належыць да «68% украінцаў, якія незадаволеныя тэмпамі рэформаў, у прыватнасьці адносна зьменаў заканадаўства, якія забясьпечаць прадстаўленьне бязьвізавага рэжыму».

У пачатку кастрычніка Вярхоўная Рада прагаласавала за пакет законаў, неабходных для лібэралізацыі візавага рэжыму з ЭЗ. Гэта законы, якія ўводзяць фінансаваньне палітычных партый зь дзяржаўнага бюджэту, якія ўносяць зьмены ў Крымінальны працэсуальны кодэкс і рэглямэнтуюць пытаньні арышту маёмасьці ў выпадку ўзьнікненьня карупцыйных рызык. Таксама дэпутаты прагаласавалі за стварэньне нацыянальнага агенцтва, якое будзе шукаць актывы, атрыманыя карупцыйным шляхам.

Паказаць камэнтары

XS
SM
MD
LG