Лінкі ўнівэрсальнага доступу

Янукевіч бярэ віну за падтрымку Караткевіч на сябе


Аляксей Янукевіч

Аляксей Янукевіч

Падчас паседжаньня сойму Партыі БНФ 17 кастрычніка старшыня арганізацыі Аляксей Янукевіч заявіў, што падтрымка напачатку выбарчай кампаніі экс-кандыдаткі ў прэзыдэнты Тацяны Караткевіч была ягонай асабістай памылкай.

Яшчэ ўлетку Партыя БНФ прыняла рашэньне аб падтрымцы кандыдатуры Караткевіч як прадстаўніцы кааліцыі «Народны рэфэрэндум». Актывісты нават бралі ўдзел у зборы подпісаў за яе вылучэньне, аднак у апошнія дні жніўня кіраўніцтва партыі адмовілася ад супрацы з грамадзянскай кампаніяй «Гавары праўду», да якой Караткевіч і належыць.

Як зазначыў спадар Янукевіч, ён здагадваўся, якія мэты перасьледуе «Гавары праўду», але былі спадзяваньні, што Караткевіч стане кандыдатам ад «Народнага рэфэрэндуму» — гэта дазволіла б захаваць балянс інтарэсаў у кааліцыі. «Аднак стала відавочна, што кіраўніцтва „Гавары праўду“, атрымаўшы свайго кандыдата ў прэзыдэнты, было не настроена дамаўляцца», — падкрэсьліў Аляксей Янукевіч.

Партыйны лідэр спадзяецца, што своечасовая адмова ад падтрымкі Тацяны Караткевіч на прэзыдэнцкіх выбарах дазволіла «мінімізаваць» нэгатыўныя наступствы першапачатковага рашэньня.

Паказаць камэнтары

XS
SM
MD
LG