Міністэрства энэргетыкі Беларусі заяўляе пра павелічэньне тарыфаў на электраэнэргію для насельніцтва ў кароткатэрміновай і сярэднетэрміновай пэрспэктыве.
Пра гэта сказаў журналістам міністар энэргетыкі Ўладзімер Патупчык на Беларускім энэргетычным і экалягічным кангрэсе.
«Тарыфы для насельніцтва будуць падвышацца, але гэта будзе ўвязана з ростам даходаў насельніцтва», — заявіў Патупчык.
Пры гэтым тарыфы для рэальнага сэктару ў 2016 годзе мяняцца ня будуць. Міністар падкрэсьліў, што ўжо цягам трох гадоў тарыфы для прадпрыемстваў зьмяншаліся.