Лінкі ўнівэрсальнага доступу

Уладзімер Пуцін накіраваў Лукашэнку пісьмовае віншаваньне з нагоды пераабраньня на пасаду прэзыдэнта Беларусі.

У тэлеграме, перадае прэс-служба Крамля, Уладзімер Пуцін падкрэсьліў, што пераканаўчая перамога Аляксандра Лукашэнкі на выбарах сьведчыць аб высокім палітычным аўтарытэце і даверы з боку насельніцтва, а таксама аб актыўнай падтрымцы курсу на далейшае сацыяльна-эканамічнае разьвіцьцё краіны.

Пуцін выказаў упэўненасьць, што дзяржаўная дзейнасць Аляксандра Лукашэнкі будзе спрыяць разьвіцьцю расейска-беларускага стратэгічнага партнёрства, ўмацаванню Саюзнай дзяржавы, нарошчваньню супрацоўніцтва ў межах Эўразійскага эканамічнага саюзу, СНД і іншых міжнародных структураў. Кіраўнік расійскай дзяржавы таксама пацьвердзіў настрой на працяг канструктыўнай супольнай працы на карысьць братніх народаў.

Два з трох праціўнікаў Лукашэнкі на выбарах, Мікалай Улаховіч і Сяргей Гайдукевіч, павіншавалі Лукашэнку зь перамогай яшчэ 11 кастрычніка, празь дзьве гадзіны пасьля закрыцьця выбарчых участкаў. Тацяна Караткевіч не віншавала Лукашэнку зь перамогай, яна выказала недавер лічбам ЦВК.

Паказаць камэнтары

XS
SM
MD
LG