Лінкі ўнівэрсальнага доступу

Ярмошына: Палова тых, хто хацеў удзельнічаць у выбарах, ужо прагаласавала


Старшыня ЦВК Лідзія Ярмошына сёньня раніцай пракамэнтавала журналістам высокую яўку выбаршчыкаў падчас датэрміновага галасаваньня.

«Апытаньні, якія вяліся напярэдадні выбараў, паказвалі, што больш за 80 працэнтаў выбаршчыкаў гатовыя прыйсьці на ўчасткі і апусьціць свае бюлетэні ў скрыні. Таму такі высокі працэнт удзельнікаў датэрміновага галасаваньня выглядае абсалютна нармальна. Я разумею так: палова з тых, хто мае намер прагаласаваць, ужо гэта зрабілі», — сказала Ярмошына.

На 20 гадзіну 10 кастрычніка датэрмінова прагаласавалі 36,05% ад зарэгістраваных выбарцаў у Беларусі, паведамляецца на сайце Цэнтральнай выбарчай камісіі.

Што тычыцца зьвестак за першыя дзьве гадзіны асноўнага дня галасаваньня, то яны вядомыя толькі па Берасьцейскай вобласьці — там за 2 гадзіны прагаласавалі 1,4% выбаршчыкаў.

XS
SM
MD
LG