Лінкі ўнівэрсальнага доступу

«Малады Фронт» стварае вайскова-патрыятычную арганізацыю і антыімпэрскія клюбы ФОТА


Зьезд "Маладога Фронту", 10 кастрычніка 2015
Зьезд "Маладога Фронту", 10 кастрычніка 2015

У Менску праходзіць зьезд Маладога фронту. Удзел бяруць прадстаўнікі розных розных рэгіёнаў Беларусі.

Яны прагаласавалі за стварэньне вайскова-патрыятычнай арганізацыі «Ваяр», за стварэньнне антыімпэрскіх клюбаў па ўсёй Беларусі на супрацьстаяньне расейскай прапагандзе.

Дэлегаты зьезду таксама абралі новы склад сойму Маладога фронту і ўхвалілі ідэю «Шэсьця Нацыянальнага сьцяга», якое адбудзецца ўвечары.

Таксама удзельнікі зьезду ўхвалілі праграму патрыятычных імпрэзаў, якія адбудуцца да канца году. А менавіта — акцыю ў падтрымку былых палітвязьняў савецкіх лягераў «Аўтапрабег пакаяньня», ганаровае прыняцьце прысягі новымі сябрамі Маладога фронту, «Слуцкі збройны чын», акцыю салідарнасьці з палітвязьянямі Беларусі і іншых краін «Дзень правоў чалавека» і іншыя.

Вынікі зьезду Свабодзе пракамэнтаваў адзін зь лідэраў арганізацыі Павал Севярынец:

«Малады фронт сёньня прыняў рашэньне аднаўляць сваю дзейнасьць у рэгіёнах, ствараць шэраг антыімпэрскіх клюбаў, якія будуць насіць імёны выбітных асобаў беларускай гісторыі, такіх, як князь Альгерд, Кастусь Каліноўскі і Вінцэнт Гадлеўскі. Акрамя гэтага стварыць патрыятычную арганізацыю „Ваяр“ на правах дружыны Маладога фронту. Таксама зьезд зьвярстаў каляндарны плян шэрагу акцыяў, каб Малады фронт ізноў ператвараўся ў масавы моладзевы рух».

Павал Севярынец: "Малады Фронт" створыць антыімпэрскія клюбы
пачакайце

No media source currently available

0:00 0:01:00 0:00

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG