Лінкі ўнівэрсальнага доступу

Чаргінец: Няхай мільён эўра пойдзе на карысьць Сьвятлане Алексіевіч


Мікалай Чаргінец
Мікалай Чаргінец

«Я заўсёды казаў, што вельмі станоўча стаўлюся да самога факту імавернасьці, што Сьвятлана Алексіевіч можа атрымаць Нобэля па літаратуры», — сказаў Мікалай Чаргінец, старшыня Саюзу пісьменьнікаў Беларусі.

Мікалай Чаргінец адзначыў, што Алексіевіч па-сапраўднаму займаецца літаратурай Беларусі, яна напісала цэлы шэраг твораў.

«Для беларускай літаратуры гэта вельмі прыемна, што наша аўтарка атрымала прызнаньне такога высокага ўзроўню. У сувязі з тым, што прадстаўнік нашай краіны атрымаў Нобэля, беларускую літаратуру стануць больш чытаць у сьвеце, зьявіцца больш выданьняў на розных мовах — і гэта будзе станоўча ня толькі для самой Сьвятланы Алексіевіч, але і для іншых нашых аўтараў. Я жадаю, каб мільён эўра, які атрымае Сьвятлана Алексіевіч, пайшоў ёй на карысьць, буду вельмі рады павіншаваць яе ва ўрачыстай атмасфэры», — сказаў Чаргінец.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG