Лінкі ўнівэрсальнага доступу

11 працэнтаў выбарцаў прыйшлі на ўчасткі за 2 дні датэрміновага галасаваньня. Чакаецца рэкорд


Датэрміновае галасаваньне на адным з выбарчых участкаў Менску, 6 кастрычніка 2015 году

Датэрміновае галасаваньне на адным з выбарчых участкаў Менску, 6 кастрычніка 2015 году

Апубікаваныя афіцыйныя зьвесткі ЦВК па яўцы за два першыя дні датэрміновага галасаваньня.

За два дні датэрміновага галасаваньня на выбарах прэзыдэнта Беларусі на ўчасткі прыйшлі 10,94% выбаршчыкаў, гаворыцца ў паведамленьні на сайце Цэнтравыбаркаму.

На выбарах 2010 года за два дні датэрмінова прагаласавала 7,2 адсотка выбарцаў.

У прыватнасьці, у Берасьцейскай вобласьці прагаласавалі 10,84% выбарцаў, у Віцебскай — 11,41%, у Гомельскай — 11,70%, у Гарадзенскай — 10,46%, у Менскай — 11,26 %, у Магілёўскай — 10,08%. У Менску прагаласавалі 10,67% выбарцаў. У ЦВК паведамілі, што па-за межамі Беларусі ў датэрміновым галасаваньні прынялі ўдзел 7,73% выбарцаў.

Датэрміновае галасаваньне працягнецца па 10 кастрычніка. Паводле прагнозу Цэнтравыбаркаму, у ім возьмуць удзел каля траціны выбарцаў. У 2010 годзе датэрмінова прагаласавалі 23,1 працэнта выбарцаў.

Праваабаронцы сьведчаць, што многія студэты і рабочыя датэрмінова галасуюць пад прымусам.

Выбары прэзыдэнта Рэспублікі Беларусь прызначаныя на 11 кастрычніка 2015 году.

Паказаць камэнтары

XS
SM
MD
LG