Пра гэта ён заявіў сёньня, прымаючы даверчыя граматы паслоў шэрагу замежных дзяржаў, паведамляе прэс-служба беларускага лідэра.
«Мы павінны падняць іх на якасна новы ўзровень, які адпавядае інтарэсам абодвух бакоў», — лічыць кіраўнік беларускай дзяржавы.
Лукашэнка падкрэсьліў, што Беларусь у сілу геаграфічнага становішча і аб’ектыўных прычын хоча нармалізацыі і сур’ёзнага разьвіцьця адносінаў з Эўразьвязам.
«Думаю, нам трэба адкінуць усякія забабоны і сумленна, справядліва, аб’ектыўна выбудаваць нашы адносіны з ЭЗ», — цытуе кіраўніка дзяржавы БЕЛТА.
«Упэўнены, што нашы адносіны будуць разьвівацца пазытыўна», — дадаў Лукашэнка.
