Такая акцыя пратэсту адбываецца на галоўнай плошчы Кішынёва чацьвёртую нядзелю запар.
Адбыліся сутыкненьні паміж паліцыяй і тымі пратэстоўцамі, якія паспрабавалі прайсьці ў будынак малдоўскага парлямэнту.
Масавыя пратэсты пачаліся ў Малдове яшчэ 6 верасьня. Пратэстоўцы патрабуюць расьсьледаваць зьнікненьне больш чым 1.5 мільярда даляраў з трох малдоўскіх банкаў і пакараньня вінаватых. Яны таксама выступаюць за адстаўку дзейнага ўраду, парлямэнту і прэзыдэнта і патрабуюць датэрміновых выбараў.