Рашэньнем курыі Менска-Магілёўскай каталіцкай архідыяцэзіі пробашч менскага Чырвонага касьцёлу ксёндз Уладзіслаў Завальнюк прызначаны духоўным апекуном (капэлянам) для 50-й зьмешанай авіяцыйнай базы ў гарадзкім пасёлку Мачулішчы Менска-Магілёўскай архідыяцэзіі тэрмінам на тры гады.
Айцец Уладзіслаў Завальнюк паведаміў карэспандэнту Свабоды, што ён з душпастырскімі мэтамі наведвае гэтую авіябазу, асабовы склад якой складае каля 700 чалавек, ужо цягам некалькіх гадоў, і ў сваёй працы як капэляна ён не зьбіраецца дзяліць салдат-вернікаў на праваслаўных і каталікоў, а канцэнтравацца на агульнахрысьціянскіх канонах.
