Лінкі ўнівэрсальнага доступу

Лік сёлетніх мігрантаў у Эўропу перавысіў паўмільёна


Вугоршчына, 29 верасьня 2015 году.

Вугоршчына, 29 верасьня 2015 году.

Паводле дадзеных міжнародных арганізацый, лік уцекачоў і мігрантаў, якія прыбылі ў Эўропу сёлета перавысіў паўмільёна. Гэта больш чым у два разы болей колькасьць мігрантаў за ўвесь 2014 год.

Паводле інфармацыі ведамства ААН па справах уцекачоў, з пачатку гэтага году каля 515 тысяч мігрантаў і уцекачоў дабраліся да Эўропы па Міжземным моры. 383 000 зь іх прыбылі ў Грэцыю, яшчэ 129 тысяч — у Італію.

Прыкладна 2 980 чалавек, якія спрабавалі трапіць у краіны Эўразьвязу морам, загінулі або зьніклі бязь вестак.

Паводле дадзеных Міжнароднай арганізацыі міграцыі, да Эўропы морам дабраліся 522 124 чалавекі, больш за 388 000 зь іх прыбылі ў Грэцыю.

Большасьць мігрантаў, якія дабраліся да Эўропы, сырыйцы.

З пачатку ўзброенага канфлікту ў Сырыі ў 2011 годзе краіну вымушаныя былі пакінуць каля чатырох мільёнаў чалавек, больш за сем мільёнаў сталі ўнутранымі перасяленцамі.

Апошнім часам паміж краінамі Эўразьвязу паўсталі рознагалосьсі з нагоды шляхоў ўрэгуляваньня крызісу, зьвязанага з масавым наплывам мігрантаў.

XS
SM
MD
LG