Лінкі ўнівэрсальнага доступу

Расея не плянуе «прама зараз» уводзіць баявыя войскі ў Сырыю — Пуцін перад сустрэчай з Абамам


Прэзыдэнт ЗША Барак Абама і прэзыдэнт Расеі Уладзімер Пуцін (зьлева направа) падчас рабочага пасяджэньня лідэраў эканомік форуму АТЭС у Пэкіне, архіўнае фота
Прэзыдэнт ЗША Барак Абама і прэзыдэнт Расеі Уладзімер Пуцін (зьлева направа) падчас рабочага пасяджэньня лідэраў эканомік форуму АТЭС у Пэкіне, архіўнае фота

Прэзыдэнт Расеі Ўладзімер Пуцін заяўляе, што яго краіна не плянуе «прама зараз» уводзіць баявыя войскі ў Сырыю, але працягне падтрымку сырыйскага ўраду.

Прэзыдэнт Расеі Ўладзімер Пуцін заяўляе, што яго краіна не плянуе «прама зараз» уводзіць баявыя войскі ў Сырыю, але працягне падтрымку сырыйскага ўраду. Пра гэта Пуцін сказаў напярэдадні заплянаванай у рамках Генасамблеі ААН на сёньня сустрэчы з прэзыдэнтам ЗША Баракам Абамам у інтэрвію тэлеканалам CBS і PBS.

«Расея ня будзе ўдзельнічаць у якіх-небудзь ваенных дзеяньнях на тэрыторыі Сырыі або любых іншых дзяржаў. Ну, прынамсі, мы не плянуем гэтага «прама зараз», — сказаў Пуцін.

Расейскі прэзыдэнт таксама раскрытыкаваў палітыку ЗША ў Сырыі, заявіўшы, што амэрыканская ваенная падтрымка сырыйскіх паўстанцаў ня толькі «незаконная, але контрапрадуктыўная».

Сёньня ў рамках работы Генасамблеі ААН у Нью-Ёрку павінна адбыцца сустрэча прэзыдэнтаў Расеі і ЗША ўпершыню за больш за год. Дакладны час такой сустрэчы невядомы, як і тэмы абмеркаваньня, хоць расейскі бок заяўляў, што ключавым будзе пытаньне Сырыі і барацьба з тэрарызмам. Тэмы перамоваў цалкам не раскрываюць і ў Белым доме.

17 верасьня Расея заклікала ЗША і іх саюзьнікаў успрымаць кіраўніцтва Сырыі як партнэра ў барацьбе супраць радыкальнай групоўкі «Ісламская дзяржава». Раней ЗША неаднаразова заяўлялі пра тое, што Башар Асад павінен сысьці з пасады прэзыдэнта. Акрамя таго, паміж Расеяй і Захадам існуюць рознагалосьсі ў пытаньні Ўкраіны — Крэмль заяўляе, што ня мае ваенных адносінаў да падзеяў на ўсходзе Ўкраіны, у той час як ЗША неаднаразова заяўлялі пра падтрымку Расеяй сэпаратыстаў у Данбасе. Таксама Вашынгтон асуджае анэксію Расеяй украінскага Крыму, пра што сьведчаць захаваныя ім санкцыі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG