Лінкі ўнівэрсальнага доступу

Слухай папу! Першы запіс з рок-альбому папы рымскага Францішка


27 лістапада мае выйсьці ў сьвет альбом з прамовамі папы рымскага Францішка і рэлігійнымі гімнамі, накладзенымі на рок-музыку. Альбом мае назву Wake Up! (Прачніцеся!).

Першы запіс з альбому можна паслухаць ужо цяпер.


«Прачніцеся! Ідзіце! Ідзіце! Наперад!» — гэта словы, зь якімі папа Францішак зьвярнуўся па-ангельску да аўдыторыі ў Паўднёвай Карэі. «Госпад кажа пра адказнасьць за тое, што Госпад даве вам / Гэта абавязак быць пільнымі / Не дазволіць ціску, спакусам і грахам затупіць нашае адчуваньне прыгажосьці і сьвятасьці». Пазьней на запісе папа кажа аўдыторыі: «Той, хто сьпіць, ня можа сьпяваць, танчыць і радавацца».

На альбоме будуць фрагмэнты прамоваў папы ня толькі па-ангельску, але і па-гішпанску, італьянску і партугальску.

Прадусарам альбому стаў Дон Джуліё Нэроні, а музыку для большасьці трэкаў, у тым ліку для «Wake Up!» напісаў Тоні Пальюка.

Паказаць камэнтары

XS
SM
MD
LG