Лінкі ўнівэрсальнага доступу

logo-print

Расея: пазбаўлены паўнамоцтваў дэпутат Леў Шлосберг здавацца не зьбіраецца


Леў Шлосберг

Леў Шлосберг

Леў Шлосберг ў чацьвер на пасяджэньні Пскоўскага абласнога Заканадаўчага сходу быў пазбаўлены дэпутацкага мандату. Пастанову аб датэрміновым спыненні паўнамоцтваў лідэра фракцыі «Яблоко» падтрымаў 41 мясцовы заканадавец, «супраць» выказаліся трое. Пастанова ўступае ў сілу з дня прыняцьця.

Дакумэнт падрыхтавалі да разгляду прадстаўнікі фракцый «Адзіная Расея», КПРФ, ЛДПР і «Справядлівая Расея». На іх думку, дэпутат парушыў забарону на ўдзел у судовым працэсе ў якасьці абаронцы або прадстаўніка.

Раней пракурор Пскоўскай вобласці запатрабаваў «прыняць меры ўзьдзеяньня» да Лява Шлосберга за ўдзел у судзе па справе НКО «Цэнтр сацыяльнага праектавання «Адраджэнне». Пракурор спаслаўся на высновы абласнога суду, які прызнаў прысутнасць Шлосберга 1 красавіка на слуханьнях па справе НКО незаконным.

Сам Шлосберг заяўляе, што ніякіх законных падстаў для пазбаўлення яго мандата не існуе, і што ён мае мае намер абскардзіць пазбаўленне яго дэпутацкага мандата у судовым парадку. «У нас, на жаль, такая сытуацыя, што значная частка дэпутатаў прыйшла ў абласны сход не для таго, каб думаць самастойна, але выконваюць указаньні», — падкрэслівае Шлосберг. Таксама, па яго словах, «гэта ганьба парлямэнту, калі законна выбранага грамадзянамі дэпутата пазбаўляюць паўнамоцтваў».

12 дэпутатаў Заканадаўчага сходу Пецярбурга падпісалі адкрыты зварот да Пскоўскай абласной сходу з заклікам не прымаць загадзя незаконнае рашэньне аб спыненьні паўнамоцтваў Шлосберга. На партале Change.org арганізаваны збор подпісаў у падтрымку апазыцыйнага расейскага палітыка.

Леў Шлосберг — адзін з заснавальнікаў газэты «Пскоўская губэрня». Сярод яго шматлікіх расьсьледаваньняў — спроба высветліць абставіны гібелі пскоўскіх дэсантнікаў у ліпені-верасні 2014 году. Пасьля газэтнай публікацыі на гэтую тэму на Шлосберга быў зроблены напад, ён патрапіў у шпіталь з чэрапна-мазгавой траўмай. Удзельнікаў нападу не знайшлі.

«Пскоўская губэрня» таксама, па словах Шлосберга, аказалася адзіным мясцовым СМІ, які распачаў пісаць пра разьвіцьцё справы аб замаху на забойства журналіста Алега Кашына. Сярод іншага, у прэсе праходзіла інфармацыя, што замах мог замовіць губэрнатар Турчак.

Паказаць камэнтары

XS
SM
MD
LG