Лінкі ўнівэрсальнага доступу

Ужо сёньня, 23 верасьня: Выбарчы сход Статкевіча на плошчы Свабоды


Мікалай Статкевіч. Пікет у Менску 10 верасьня 2015 году
Мікалай Статкевіч. Пікет у Менску 10 верасьня 2015 году

Падзеі гэтага дня ў Беларусі, сьвеце, гісторыі.

Афіша:

Менск, у офісе Аб'яднанай грамадзянскай партыі адбудзецца сустрэча прадстаўнікоў палітычных і грамадзка-палітычных арганізацый, каб выпрацаваць агульную пазыцыю ў пытаньні разьмяшчэньня замежных ваенных базаў на тэрыторыі Беларусі. Пацьвердзілі ўдзел: Мікола Статкевіч, Анатоль Лябедзька, Уладзімер Някляеў. Пачатак у 11 гадзінаў.

Менск, былы палітвязень Мікалай Статкевіч запрашае грамадзянаў сабрацца на выбарчы сход, прысьвечаны абмеркаваньню вынікаў дзейнасьці Аляксандра Лукашэнкі. Аб’яву Статкевіч разьмясьціў у сацыяльных сетках. Сход ён мяркуе правесьці на плошчы Свабоды. Пачатак у 18 гадзінаў.

Менск, выніковая канфэрэнцыя па выніках рэалізацыі ў Беларусі двухгадовага праекту «Спрыяньне інтэграцыі асобаў, якія вызваліліся зь месцаў зьняволеньня, у Беларусі». Да ўдзелу ў канфэрэнцыі запрошаныя Андрэа Віктарын, кіраўнік прадстаўніцтва Эўразьвязу ў Беларусі, Алена Купчына, намесьнік міністра замежных справаў Беларусі, прадстаўнікі хрысьціянскіх цэркваў Беларусі, МУС, міністэрства працы і сацыяльнай абароны. Месца правядзеньня — гатэль «Краўн Плаза» (вул. Кірава 13, 6-ці паверх). Пачатак канфэрэнцыі ў 14 гадзінаў.

Менск, у Літаратурным музэі Максіма Багдановіча адбудзецца літаратурная вечарына «Штурмуйце будучыні аванпасты!», прысьвечаная 115-годзьдзю Уладзімера Дубоўкі, і адкрыцьцё выставы зборніка Максіма Багдановіча «Вянок» 1913 году. Сярод гасьцей — Віктар Жыбуль, Альгерд Бахарэвіч, Андрэй Хадановіч. Пачатак у 17 гадзінаў.

Менск, кнігарня «логвінаЎ», Згуртаваньне беларусаў сьвету «Бацькаўшчына» і выдавецтва «Лімарыус» запрашаюць на прэзэнтацыю кнігі амэрыканскага дасьледчыка Янкі Запрудніка «Па гарачых сьлядах мінуўшчыны: Мае лісты 1952-1959». Пачатак у 18 гадзінаў.

Брусэль, экстранны саміт Эўразьвязу па пытаньні міграцыі

Масква, візыт прэзыдэнта Турэччыны Рэджепа Эрдагана ў Расею.

Кіеў, ва Украіне пачынаецца вылучэньне кандыдатаў на мясцовыя выбары.

У гісторыі:

1648 — пачалася бітва пад Піляўцамі між аб’яднанымі войскамі Багдана Хмяльніцкага і Крымскага ханства супраць войска Рэчы Паспалітай.

1793 — скончыўся Гарадзенскі сойм — апошні сойм Рэчы Паспалітай.

1846 — Адкрытая плянэта Нэптун

1943 — нацысты зьнішчылі Віленскае гета. Усяго за тры гады акупацыі ў Летуве было забіта 200 тысяч габрэяў. З гэтае нагоды ў краіне штогод адзначаецца Дзень памяці ахвяраў генацыду.

1989 — азэрбайджанская мова абвешчаная дзяржаўнай у Азэрбайджане.

У гэты дзень нарадзіліся:

63 да н. э. — Гай Юлі Цэзар Актавіян Аўгуст, рымскі імпэратар.

1901 — чэскі паэт Яраслаў Сэйфэрт, ляўрэат Нобэлеўскай прэміі 1984.

1908 — Мікалай Патолічаў, савецкі партыйны і дзяржаўны дзяяч, першы сакратар Камуністычнай партыі Беларусі ў 1950-1956 гадах

1918 — Аркадзь Маўзон, беларускі драматург.

1924 — Артур Вольскі, беларускі паэт, актывіст дэмакратычнага руху, бацька музыкі Лявона Вольскага.

1936 — Сямён Шарэцкі, беларускі дзяржаўны дзеяч, старшыня Вярхоўнага Савету ХІІІ скліканьня.

У гэты дзень памерлі:

1939 — Зыгмунд Фройд, аўстрыйскі псыхіятар, «бацька» псыхааналізу.

1973 — Пабла Нэруда, чылійскі паэт, ляўрэат Нобэлеўскай прэміі па літаратуры за 1971 год.

Цытата:

Як вам здаецца, ці добра я згуляў камэдыю свайго жыцьця?

Словы Актавіяна Аўгуста, сказаныя сябрам перад сьмерцю

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG