Лінкі ўнівэрсальнага доступу

Расейскі тэлеканал паказаў падробленае фота амбасадара ЗША на мітынгу апазыцыі


Адрэтушаванае фота, апублікаванае на сайце REN TV

Расейскі тэлеканал REN TV праілюстраваў нататку аб нядзельным мітынгу ў Маскве змантажаваным фота амэрыканскага амбасадара ў Расеі. На ім Джон Тэфт нібыта выступае перад журналістамі 20 верасьня.

Выява Тэфта ў асяродзьдзі карэспандэнтаў была ўзятая зь лютаўскага здымка, зробленага падчас наведваньня паслом месца забойства Барыса Нямцова.

Амбасада ЗША ў Расеі паведаміла, што Тэфт правёў нядзелю дома:


Карыстальнікі сацыяльных сетак пачалі публікаваць свае вэрсіі адфаташопленых малюнкаў з Тэфтам пад твітам амбасады і зыходным твітам REN TV.

Прадстаўнікі REN TV адмовіліся ад камэнтароў.

У матэрыяле на сайце тэлеканала сказана, што «ў сацсетках зьявіліся фотаздымкі дыплямата на гэтым мерапрыемстве», а крыніцай здымка ўказаны Twitter. Акрамя таго, указана, што «невядома, гэта рэальныя здымкі або банальны фотамантаж.»

У кэшы Google даступная таксама іншая вэрсія нататкі з сайту REN TV (дата і час публікацыі супадаюць). Яна моцна адрозьніваецца ад цяперашняга варыянту — у прыватнасьці, адсутнічаюць папярэджаньні аб магчымай падробцы фатаграфіі.

Дзьве вэрсіі матэрыялу: з кэша Google і з сайту REN TV

Дзьве вэрсіі матэрыялу: з кэша Google і з сайту REN TV


Мітынг «За зьмяняльнасьць улады» прайшоў у нядзелю, 20 верасьня, у маскоўскім Мар’іне. Паводле розных ацэнак, ён сабраў ад 4 да 10 тыс. удзельнікаў.

Ваша меркаваньне

Паказаць камэнтары

XS
SM
MD
LG