Вайскоўцы змогуць ужываць несьмяротную зброю, у тым ліку гумовыя кулі, сьлезацечны газ і сеткі.
Паводле новага закону, армія атрымлівае права ўдзельнічаць у патруляваньні мяжы.
Раней парлямэнт Вугоршчыны зрабіў значна больш жорсткім міграцыйнае заканадаўства, увёўшы за нелегальнае пранікненьне на тэрыторыю краіны пакараньне ў выглядзе турэмнага зьняволеньня.
Каб спыніць некантраляваны паток мігрантаў, Вугоршчына ўжо перакрыла мэталічным плотам з калючым дротам мяжу з Сэрбіяй і пачала будаваць аналягічную сьцяну на мяжы з Харватыяй.
Паводле самых кансэрватыўных ацэнак, за гэты год праз тэрыторыю Вугоршчыны прайшлі ўжо больш за 200 тыс. уцекачоў, якія імкнуцца трапіць у эканамічна разьвітыя краіны Эўразьвязу, у першую чаргу ў Нямеччыну.